Dyma'ch diweddariad dydd Mawrth, sy'n cynnwys:

• Cyngor teithio ar gyfer Cyngerdd Stevie Wonder yn Blackweir Live yng Nghaerdydd
• Cyhoeddi Cynllun Adfywio Porth y Dwyrain
• Uchelgeisiau sero-net wrth wraidd y weledigaeth ar gyfer Pentref Chwaraeon Rhyngwladol Caerdydd

Cyngor teithio ar gyfer Cyngerdd Stevie Wonder yn Blackweir Live yng Nghaerdydd

Bydd Stevie Wonder yn perfformio yng Nghaeau'r Gored Ddu nos Fercher yma, 9 Gorffennaf. Er mwyn sicrhau bod pawb sy'n mynd i'r cyngerdd yn gallu mynd i mewn ac allan o'r lleoliad yn ddiogel, bydd ffyrdd ar gau yng nghanol dinas Caerdydd o 4pm tan hanner nos.

Mae disgwyl i draffordd yr M4 a rhwydwaith y priffyrdd yng Nghaerdydd fod yn brysur iawn ar gyfer y cyngerdd hwn - felly cynlluniwch ymlaen llaw.

I gael y wybodaeth ddiweddaraf am y draffordd a'r cefnffyrdd, ewch i  wefan Traffig Cymru, neu @TrafficWalesS ar Twitter a Facebook.

Cynghorir yn gryf i unrhyw un sy'n mynd i'r cyngerdd hwn gynllunio ei daith o flaen llaw a chyrraedd Caerdydd yn gynnar. 

Mae atebion i rai cwestiynau cyffredin am gyngherddau Blackweir Live ar gael yma:https://www.newyddioncaerdydd.co.uk/releases/w66/35607.html

Darllenwch fwy yma

Cyhoeddi Cynllun Adfywio Porth y Dwyrain

Mae cynlluniau i ddatblygu uwchgynllun newydd i adfywio porth dwyreiniol y ddinas wedi'u datgelu.

Mae Cyngor Caerdydd wedi prynu'r safle 54.48 erw yn Lawnt Pengam yn Nhremorfa oddi wrth Lywodraeth Cymru yn ddiweddar, ac mae'n paratoi i greu uwchgynllun cynhwysfawr ar gyfer y lleoliad strategol bwysig hwn. Bydd y cynllun yn cynnwys cyfleoedd preswyl, masnachol a seilwaith posibl, ochr yn ochr ag amddiffyniadau amgylcheddol a chysylltedd trafnidiaeth gwell.

Mae'r safle yn cynnig cyfle sylweddol i drawsnewid porth allweddol i Fae Caerdydd a de canol y ddinas, gan wella cysylltedd, hybu teithio llesol, a chefnogi twf economaidd ac adnewyddu amgylcheddol.

Darllenwch fwy yma

Uchelgeisiau sero-net wrth wraidd y weledigaeth ar gyfer Pentref Chwaraeon Rhyngwladol Caerdydd

Mae Cyngor Caerdydd wedi cyhoeddi diweddariad cynhwysfawr ar ddyfodol y Pentref Chwaraeon Rhyngwladol (PChRh).

Mae'r adroddiad yn amlinellu camau nesaf strategaeth adfywio gynaliadwy a fydd yn trawsnewid y PChRh yn gyrchfan fywiog, carbon isel ar gyfer chwaraeon, hamdden a byw, gan ddarparu cartrefi ecogyfeillgar newydd, seilwaith ynni gwyrdd, ac amwynderau cyhoeddus gwell.

Mae'r adroddiad, a fydd yn cael ei gyflwyno i'r Cabinet yn ddiweddarach y mis hwn, yn nodi rhagor o fanylion am y cynllun aml-gam ar gyfer yr ardal.

Darllenwch fwy yma